Gisuportahan ni kanhi Iligan City Mayor Franklin Quijano ang desisyon sa Korte Suprema nga ibasura ang impeachment complaints batok kang Bise Presidente Sara Duterte.
Sa iyang interbyu sa Bombo Radyo, butyag ni Quijano nga dili na igo ang panahon aron iduso pa ang impeachment, ilabi na nga wala matod pa’y nakita nga sala ang bise presidente.
Dugang pa ni Quijano, ang nahitabo usa ka dakong leksyon alang sa Kongreso, nga dili angay ang pagkahakog sa gahum ug ang pagdali-dali sa proseso, ilabi na kung wala gisunod ang mga lakang nga klarong nakalatid sa Batakang Balaod sa nasud.
Kabahin sa mga planong pagpasaka pag-usab og reklamo batok sa bise presidente karong Pebrero, naghinaot si Quijano nga kon adunay bag-ong complaint, kinahanglan kini magpakita og bag-o ug lig-ong grounds, ug tinood nga ebidensya sa paglapas sa Konstitusyon, kon tinuod man nga adunay nahimong sayop ang bise presidente. (James Oliver)
