CAGAYAN DE ORO CITY – Gihagit ni Auxiliary Bishop of the Diocese of Sacramento, California, USA Most Reverend Rey Bersabal, D.D ang mismong mga lideres sa simbahan ug city govt nga dili magpagapos sa kaugalingong kagustuhan pagkab-ot sa kalampusan aron ilhon sa katilingban.
Kini ang unod sa mensahe ni Bersabal sa iyang pagpangulo sa misa-pasalamat sa kapistahan ni Sr San Agustin sa katedral kagahapong adlawa.
Miingon si Bersaba nga angay dumdumon sa mga lideres ang kabubut-on sa kahitas-an kaysa kaugalingon samtang anaa sa pag-alagad sa katawhan sa Diyos.
Si Bersabal ang personal giimbitar sa Archdiocese of Cagayan de Oro nga mangulo sa kasaulugan bisan nga siya nakabase na didto sa Amerika.
Hisayrang si Bersabal kinsa lumad taga-Magsaysay,Misamis Oriental ang produktong pari sa San Jose De Mindanao Seminary ubos sa Archdiocese of Cagayan de Oro sa dekada 90 ayha nadestino sa nagkadaiyang tahas ug napadulong sa Amerika diin kini ubos sa Diocese of Sacramento, California ning tuiga lamang.
