GIHULAGWAY ni Kay Calingin, Executive Director sa Balaod Mindanao, nga ang problema sa political dynasty sa nasud dili lamang politikanhong isyu kundili usa ka social justice concern.
Sumala ni Calingin, naggikan kini sa dili patas nga access sa mga resources, lakip na ang pondo, impluwensya ug kusog nga name recall sa pipila ka pamilya nga dugay nang nagdominar sa politika.
Gipadayag niya nga samtang nagpadayon ang presensya sa political dynasty, magpabilin nga limitado ang kapilian sa katawhan matag eleksyon.
Gilugway usab ni Calingin nga ang kasamtangang sistema usahay nakabase lamang sa apelyido nga gidala sa kandidato, imbis sa iyang integridad, kahibalo ug abilidad sa pagdumala ug paghimo og maayong desisyon alang sa publiko. (James oliver)
