GI-HINAOT ni Professor John Louie Sabal sa Department of Economics, Xavier Ateneo, nga maminusan ang kabaga sa political dynasties sa Pilipinas.
Matod pa ni Sabal, tungod sa kultura nga musunod sa yapak sa ginikanan ang ilang mga anak, wala kiniy problema basta dili magdungan ang mga pamilya sa pagdagan sa politika.
Suhestiyon ni Sabal nga mas maayo nga maghulat ang anak hangtod matapos ang termino sa ilang pamilya sa usa ka posisyon.
Gikondena usab niya ang padayon nga pagdagan isip pag-puli sa nahuman nga termino sa pamilya ug nagpasabot nga ang paghatag og gap sa termino sa sunod nga family member makahatag og higayon sa ubang kandidato nga gustong magserbisyo, mailhan, ug mabotar sa katawhan. (James Oliver)
