CAGAYAN DE ORO CITY – Nagtoo si Commission on Elections o Comelec 10 regional director Atty Renato Magbutay nga dako’g epekto sa pagbalhin sa mga tawo nga mahimong botante ang mensahe ni City Mayor Rolando ‘Klarex’ Uy nga iyang nabatbat pipila ka adlaw gikan sa eleksyon sa brgy ug SK elections sa tuig 2023.
Kini ang tubag ni Magbutay sa pangutana ni Cagayan de Oro 1st District Cong. Lordan Suan kabahin sa gi-presentar niya nga video sa imbestigasyon sa kamarabaha kagahapon sa buntag.
Miingon si Magbutay nga nakadungog usab kini gikan sa mga report sa media nga naghinobra ang vote buying nga natigayon sa Brgy Carmen.
Subay sa mga impormasyon,anaa sa 6-mil pesos ang kada-ulo sa mga botante nga pabor sa kandidatura kaniadto ni Punong Brgy Kikang Uy samtang 2-mil pesos lamang gikan sa bando usab sa mga Suan.
Hisayrang sa milabay’ng BSKE sa Carmen, gikatigi sa anak ni Uy nga si Kikang Uy ang amahan ni Suan nga si Agapito ‘Jun’ Suan Jr diin sila managsama nga adunay kagikan sa Misamis Occidental ug pulos nang nanimuyo’g negosyo dinhi sa dakbayan.
