CAGAYAN DE ORO CITY – Gipasugdan na ni Police Regional Office 10 Director Brig Gen Benjamin Acorda Jr sa pagpasusi sa iyang mga sakop ang giingong kalambigitan o koneksyon sa na-neutralized nga gun for hire group nga nakabase sa Tangkal,Lanao del Norte.
Kini human nakahupot sa mga impormasyon ang Camp Alagar nga dunay nagpaluyo o impluwensiya ang pipila ka wala panganling politiko sa Cabantog Managsa Gun for Hire group.
Gihimo ni PRO 10 spokesperson Lt Col Michelle Olaivar ang pahayag nunot sa pagkasikop sa founder sa grupo nga si Cabantog Managsa Alompo kuyog ang iyang igsoon nga si Madrigal Managsa Alompo sa ilang hideout sa maong lugar.
Gibutyag ni Olaivar nga dili una nila ibutyag ang mga pangalan sa mga protektor sa grupo samtang wala pa nila mahupti ang klaro nga mga ebedensiya.
