CAGAYAN DE ORO CITY – Gimando na ni Comelec 10 regional director Atty Renato Magbutay sa iyang local election officers nga pangandaman ang pagpangbaklas sa election campaign materials nga nagkatag sa nagkadaiyang lugar nga wala itugot sa balaod.
Kini alayon sa nagkaduol nga pagsugod na sa election campaign sa mga nasudnong mga kandidato sunod semana.
Miingon si Magbutay nga gitahasan niini ang iyang mga provincial election supervisor nga pang-sulatan ang mga kandidato ug mga tag-iya sa billboards aron boluntaryo pangkuhaon ang mga poster niini sa mga lugar nga wala itugot sa balaod.
Hisayang mosugod na sa kampanya ang national candidates sa petsa 11 ning bulana samtang Marso 28 usab ang mga kandidatong-lokal.
