CAGAYAN DE ORO CITY – Gihimuan pa’g dugang imbestigasyon sa kapolisan ang pagpusil-patay sa election officer sa Commission on Elections o Comelec sa Brgy Curva Miagao,Salvador,Lanao del Norte.
Giila ni Police Patrolman Juliver Escoreal,imbestigador sa Nunungan Police Station nga giila ang biktima nga si Mark Orlando Vallecer,51 anyos nga nagpuyo sa Brgy Kauswagan ning syudad.
Subay sa imbestigasyon nga sakay sa sakyanan nga kolor pula ang biktima dihang gi-atake kini sa motorcycle in tandem suspects kagahapong adlawa.
Nahaigom sa daghang igo sa ulo ang biktima gamit ang kalibre 45 nga armas rason nga dead on the spot na nang nasulod sa ospital.
Wala pa’y giluwatan nga pahayag ang Comelec 10 kabahin sa gidangatan sa biktima nga election officer sa Nunungan.(Photos: Michael Navarro).
