CAGAYAN DE ORO CITY – Nanganti si kanhi Phividec administrator Jose Gabriel ‘Pompee’ La Viña nga unang termino,masulbad na niya ang isyu sa krisis sa tubig sa dakbayan.
Kini kon mahatag kaniya sa katawhan ang higayon nga sunod nga mahimong city mayor sa dakbayan sa 2025 elections.
Namahayag si La Viña nga kon dili seryoso ang usa ka lingkod nga mayor sama sa gihimo ni City Mayor Rolando ‘Klarex’ Uy nga walay plano pabayran sa COWD ang utang niini ngadto sa Metro Pacific Water,padayon mag-atubang sa bahad ang katawhan sa kawad-on sa tubig.
Gihagit usab niini si Klarex nga kon tinud-anay maka-presentar kini’g sulbad sa water crisis sa syudad ug isalikway niya ang iyang personal-interes,suportahan niya kini sa piliay sunod tuig.
Sa pagkutlo ning balita,wala pa’y reaksyon si Mayor Klarex kabahin sa gilugwa nga pahayag ni La Viña nga gipukan niya sa miaging 2022 elections sa syudad.
