CAGAYAN DE ORO CITY – Perfect game plan alang sa grupo ni kanhi Phividec administrator Pompee La Viña nga wala siya kuhaa aron standard bearer pagka-mayor ubos sa bando Padayon Pilipino sa piliay sunod tuig.
Kini human mas mitigbabaw ang kagustuhan sa partidoo Padayon Pilipino nga si kanhi City Mayor Oscar Moreno ang ibangga nila batok sa subli pagpapili ni incumbent City Mayor Rolando ‘Klarex’ Uy.
Miingon si La Viña nga pabor kini nga sitwasyon alang kaniya kay siya ang lig-ong alternatibong kandidato pagka-mayor sa dakbayan.
Gibalibaran usab niini ang tanyag nga pagka-kongresista sa distrito dos ang daganan kay dili siya intresado nga kontrahon ang ig-agaw nga si Cong. Rufus Rodriguez.
