CAGAYAN DE ORO CITY – Giila ni kanhi Phividec administrator Jose Gabriel ‘Pompee’ La Viña nga siya ang kandidato-opisyal ni Pres Bongbong Marcos pagka-mayor sa syudad sa 2025 elections.
Sa interbyu sa Bombo Radyo,namahayag kini nga imbitado siya nga mahimong bag-ong miembro sa Partido Federal ng Pilipinas ni Marcos ug giingong siya ang hatagan sa suporta sa taliabot eleksyon.
Miingon si La Viña nga dili kini susama sa ubang mga politiko nga ‘trapo’ ug kanunay maglukso-lukso sa matag-lusad sa piliay sa nasud.Hisayrang managsama sila nanumpa ni incumbent City Mayor Rolando ‘Klarex’ Uy isip PFP members sa kauluhan sa miaging adlaw’ng Lunes.
Samtang dili motumpang si Uy sa bisan unsa nga pagpahumot sa kaugalingon apan mas pilion ang pagpaubos atubangan sa publiko.Kini ang tubag sa buhatan sa mayor pinaagi sa iyang tigpamaba nga si Janboy Actub sa interbyu sa Bombo Radyo.
Miingon si Actub nga dili kampante si Klarex taliwala nga siya ang kasamtangang mayor nga makuha ang pag-endorso gikan sa partido.
Hisayrang sa pagdagan ni Klarex pagka-mayor sa 2022 elections,National Unity Party ang iyang gidala apan si Bongbong Marcos ang gisuportahan niini pagka-presidente.
