CAGAYAN DE ORO CITY – Nanganti si kanhi mayoralty candidate former Phivedec administrator Jose Gabriel ‘Pompee’ La Viña nga ilampaso niya si incumbent City Mayor Rolando ‘Klarex’ Uy sa syudad sa 2025 midterm elections.
Kini ang gibutyag ni La Viña dungan sa pagsulti nga siento-porsiento na siya sa iyang hukom nga modagan pagbalik pagka-mayor batok sa mipukan kaniya nga si Uy sa miaging 2022 elections sa dakbayan.
Namahayag ang Kagay-anon nga si La Viña nga andam niya atbanga’g balik si Mayor Klarex ug bisan si kanhi City Mayor Oscar Moreno sa sunod piliay.
Gibutyag usab niini nga mas gustuhon gihapon niini nga magka-alyado ang partido Padayon Pilipino,Centrist Democratic of the Philippines ug iyang grupo nga Bag-ong Cagayan aron banggaon ang lig-on usab nga puwersa sa administrasyon.
Siya miingon nga nagbunga sa maayong resulta ang ilang political alliance kay gikuptan ni Atty. Lordan Suan ang pagka-kongresista sa unang distrito diin gipukan ang anak ni Mayor Klarex,;nag-landslide victory sa iyang re-election si Cagayan de Oro 2nd Distrct Cong. Rufus Rodriguez ug gikan usab kanila ang bise-mayor nga si Jocelyn ‘Bebot’ Rodriguez.
Mipasabot si La Viña nga wala niya igsapayan nga sa ilang linya siya lang ang wala kalusot kay nagkulang sila sa panahon sa kampanya sa mga botante sa unang distrito nga balwarte sa pamilyang Uy.
Hisayrang sa panagtigi sa duruha sa maong posisyon,nakuha ni Klarex ang 157-mil 575 ka boto batok kang Pompee nga nagkupot usab sa 128-mil 071 botos.
