CAGAYAN DE ORO CITY – Andam si kanhi Phividec administrator Jose Gabriel ‘Pompee’ La Viña pagtambong sa quadropole committee hearing nga nag-imbestigar sa illegal POGO activities nga naglakip na dinhi sa syudad ug lalawigan.
Kini human unang gisulti ni Quadrocom member Cong. Dan Fernandez nga imbitaron ang tulo ka administrador aron sayron ang mga kalihukan sa Philippine Sanjia Steel Corporation nga nag-abang sa pila ka ektaryang yuta sa Phividec nga gi-representahan sa Chinese national nga si Tony Yang.
Siya miingon nga kompirmadong kabahin sa ‘locator’ sa Phividec ang maong planta apan dakong katingad-an kay wala kini mag-operate rason nga gidudahan nga adunay mga kalihukang ilegal.
Si Yang nanag-iya sa daghang kadudahang mga kompanya ug tag-iya usab sa napasirad-an nga POGO sa Alwana Compound sa Brgy Cugman ning syudad.
