Misaka ang kilay sa pundok sa Bagong Alyansang Makabayan human ma-obserbahan nga puno gihapon sa pork barrel ug infrastructure budget ang gipagawas nga pondo alang sa sunod nga tuig.
Subay sa pahayag sa miyembro sa grupo nga si Rauf Sissay, daw klaro nga gidugangan ang pondo para sa ayuda ug mga karsada aron magamit sa mga politiko sa pagpundok og resorsa alang sa umaabot nga eleksyon.
Gipunting usab niini nga imbes nga ibutang sa mga ospital ug mga klasrum, gipalabi ang mga proyektong sagad mahimong substandard ug tinubdan sa anomalya.
Tungod sa maong sitwasyon, nanawagan ang grupo sa publiko nga magpabilin nga kritikal ug bantayan ang matag piso nga ginagasto sa panggamhanan.-
