NABALAKA ang Commission on Elections (Comelec) sa pagtangtang sa 1.4 Bilyon pesos nga pondo alang unta sa ipahigayong preparasyon sa 2025 Barangay ug Sangguniang Kabataan Elections (BSKE).
Miingon si Comelec Chairman Atty George Erwin Garcia nga gikan sa P14-B, anaa nalang sa dul-an P11-B ang nabilin sa pundo, ug kulang kini alang sa ihatag nga honorarium sa mga magtutudlo ug election support staff.
Apektado usab ang ilang budget sa voter’s education ug training sa mga magtutudlo, kay ang 1.4B pesos alang unta sa bayad sa training, venue rental, ug transportasyon.
Ang BSKE ipahigayon sa Disyembre 1, ug registration period mukabat lamang sa napulo ka adlaw, gikan sa HuLyo-1 hangtud 11.
Iyang gi-awhag sa mga kabatan-unan nga magparehistro ilabe na kadtong nag-edad na sa 15 anyos pataas aron makasalmot sa piliay.
