Gipalihok sa nabulabog nga “flood control scandal” ang mga pagduda sa publiko sa tinuod nga padulngan sa bilyon-bilyong pondo alang sa mga flood control projects sa nasud.
Sa interbyu sa BOMBO RADYO kang Bencyrus Ellorin, sa Pinoy Aksyon for Governance and the Environment, Inc. iyang gituki kung nganong misaka ang budget sa maong mga proyekto sukad pa niadtong 2014.
Gipasabot niya nga ang pagtaas sa pondo naggikan sa tinguha sa gobyerno nga tubagon ang tulo ka epekto sa climate change, sama sa ang pagtaas sa sea level, ang kusog nga presipitasyon, ug ang pag-init sa temperatura sa mga lokalidad.
Alang kaniya kwestyonable ang paggamit sa maong pondo, gikan pa sa administrasyon ni Duterte hangtod sa kasamtangang administrasyon ni Marcos Jr.
Contributors: James Oliver
