Dili mahadlok ang mga abusadong opisyal tungod kay walay talaan sa bangko ang bilyon-bilyong cash nga gitago sa mga maleta, mao kini ang gipadayag sa legal expert nga si Atty. Dale Mordeno taliwala sa presensya sa AMLC sa Impeachment Court.
Tungod niini, gipasabot sa abogado nga bisan pa man nag-atubang ug nagpatestigo ang Anti-Money Laundering Council sa Impeachment Court, dili gihapon ma-trace ang kwarta nga wala moagi sa bangko.
Gumikan niini, gitin-aw sa legal expert nga ang pondo sa gihuptan nga mga maleta kay dili mahurot sa pila ka henerasyon ug lisud pamatud-an sa AMLC tungod sa kawala’y paper trail.
Gidugang pa sa abogado nga kini ang hinungdan nga magpadayon ang kaisog sa mga dunot nga opisyal sa pagtago sa ilegal nga bahandi nga layo sa pagpaniid sa panggamhanan.
