Dako ang kasubo sa PN ROA Canitoan Transport Cooperative o PONTRANSCO sa kasamtangang dagan sa service contracting program sa gobyerno.
Sumala ni Luzminda Escobidal, presidente sa maong kooperatiba, bisan pa og nagsugod kini nga adunay positibong resulta gikan phase 1 hangtod phase 5, mitumaw karon ang seryosong isyu nga nakaapekto sa mga transport cooperative.
Base sa mga diskusyon sa Senado, adunay gitutukan nga pondo nga moabot sa ₱760 milyon ug target nga 50,000 ka units, apan ang aktuwal nga nakabenepisyo mas ubos pa sa gikutlo nga 12,000 lamang.
Gipasabot ni Escobidal nga tungod sa maong kalahi-an sa datos ug implementasyon, daghang kooperatiba ang nakasinati og pagka-alkansi ug negatibong epekto sa kalisod sa pagpadayon sa ilang operasyon.
Busa nanawagan siya nga repasuhon ug ayohon ang sistema sa service contracting aron masiguro nga patas ug tinuod nga makabenepisyo ang mga kooperatiba sa tibuok nasod.
