CAGAYAN DE ORO CITY, Philippines – Opisyal nang gideklarar sa Santo Papa sa Roma ang St. Gregory the Great Parish Church sa Majayjay, Laguna isip usa ka minor basilica.
Kini nga impormasyon unang nadawat sa Catholic Bishops’ Conference of the Philippines (CBCP), ug gipasidunggan ang Diocese of San Pablo sa pagtudlo ni Pope Francis sa ilang simbahan, niadtong Biyernes.
Gihatag sa Vatican ang maong designation pinaagi sa usa ka decree, nga adunay petsa – Enero 25, 2025, subay sa petisyon nga gisumiter sa diocese niadtong Disyembre 2024.
Si San Pablo Bishop Marcelino Antonio Maralit Jr. miingon nga ang maong designation usa ka “wonderful blessing” ilabi na sa panahon sa Jubilee Year of Hope.
Ang mga minor basilica kasagarang gipili tungod sa makasaysayanong katukuran, arkitektural nga bili, ug ang papel niini isip sentro sa pagsimba.
Ang usa ka minor basilica adunay “espesyal nga koneksyon” sa Roma ug sa papa, sama sa gipahayag sa dokumento sa Dicastery for Divine Worship and Discipline of the Sacraments.
Natukod kaniadtong 1576, ang Majayjay Church nailhan sa iyang bug-at ug bilinhong kasaysayan nga naglakip sa pagsilbing dangpangana sa mga misyonaryong Franciscan nga nangita’g kaluwasan gikan sa sakit tungod sa bugnaw nga klima sa lugar
Kini nga simbahan mipaubos na sa daghang renobasyon human mahiagom sa daghang pagkaguba ug ikatlo nga higayon nga nasunog.
Una kining natukod 1616 ug natapos 1649.
Padayong nagbarog ang simbahan taliwala sa natural ug man made nga mga kalamidad.
Nahimo kining puy-anan sa mga sundalong Amerikano, panahon sa Filipino-American War.
Sa tuig 1912, subli kining gipabarog ug namisahan.
Ning panahona, ang St. Gregory the Great Parish Church mao ang pinakadaku nga simbahan sa Laguna ug giila sa National Museum of the Philippines angb iyang makasaysayanon ug arkitektuwal nga bili..
