Gikondena ni Pope Leo XIV ang pagpahimulos sa kinaiyahan sa lasang sa Amazon ug giawhag ang mga Katoliko nga padayong supakon ang pagpamutol sa kahoy ug polusyon nga dala sa ilegal nga pagmina og bulawan ug produksiyon sa lana atol sa iyang pagbisita sa Pucallpa, Peru.
Samtang namulong atubangan sa kadaghanang lumad nga tigpaminaw sa ikaduha sa katapusang adlaw sa iyang 12 ka adlaw nga paglibot sa South America, nangayo og hustisya ang Santo Papa alang sa wala pa masulbad nga pagpatay sa mga lider sa tribu nga gipatay samtang nanalipod sa ilang mga teritoryo.
Gisaway usab sa Santo Papa ang mga modelo sa ekonomiya nga nag-una sa diha-diha nga pinansyal nga ginansya alang sa pipila kay sa paglungtad sa mga lokal nga komunidad ug sa balanse sa kabuhatan, ug iyang gipasabot nga ang maong mga kalihokan dili lang basta-basta nga mga aksidente.
Ang maong pakigpulong nagtimaan usab sa usa ka emosyonal nga pagbalik niya sa Peru, diin ang Santo Papa nga natawo sa Amerika nga nag-alagad kaniadto sulod sa duha ka dekada isip misyonero ug obispo ug kabahin kini sa 2,270-kilometros nga biyahe sa tibuok nasod nga naglakip usab sa paghunong sa Cusco, usa ka bulan lang human sa iyang operasyon sa kanser sa baga. (raniel mahunyag)







