Gipanguluhan mismo sa Santo Papa ang tradisyonal nga Via Crucis (Way of the Cross) sa Good Friday procession nga gihimo sa Colosseum sa Roma.
Kapin sa 30,000 ka mga deboto ug relihiyoso ang pisikal nga mitambong ug misaksi sa sagrado nga kalihukan, samtang milyon-milyon pa ka mga Katoliko sa tibuok kalibutan ang nakasubay niini pinaagi sa live coverage sa Vatican News Channel, ang opisyal nga himpilan sa The Holy See.
Ang Colosseum sa Roma, usa ka bantugang elliptical amphitheatre nga gitukod sa panahon ni Emperor Vespasian ug natapos ni Emperor Titus niadtong 80 AD, mao ang pinakadako sa unang panahon.
Human sa daghang siglo, kini nahimong sagradong lugar ug gipalihok usab isip simbahan. Ang Via Crucis usa ka tinuig nga pag-obserbar sa Roma aron subli ipakatawo ang espiritwal nga pag-antos ug sakripisyo ni Hesu Kristo gikan sa iyang pagdala sa krus hangtod sa iyang kamatayon. Si St. John Paul II mao ang unang Santo Papa nga mihimo sa tibook 14 ka istasyon sa cross gikan 1980 hangtod 1994.
Segun sa kasaysayan, si Pope Leo XIV mao ang ikaduhang Santo Papa nga milusad sa prosesyon, nga miagi sa tunga-tunga nga dalan nga gilibutan sa kandila gikan sa unang istasyon hangtod sa kina-uyukan.
Ang Via Crucis dili lamang usa ka ritwal, apan usa ka pagpahinumdom sa kalibutan sa sakripisyo ni Kristo ug usa ka pagtawag sa mga tumuluo sa pag-ampo, paghinulsol, ug pagtuo. Ang pagdaug sa krus gihimo nga simbolo sa paglaum ug kaluwasan alang sa tanan nga nagtuo.
