Mibalik si Pope Leo XIV sa Chiclayo, Peru niadtong Biyernes, Nobyembre 13, 2026, diin nangulo siya sa usa ka Misa sa gawas nga gitambongan sa gibanabanang 500,000 ka mga deboto sa Pampas de Pimentel, samtang kapin usa ka milyon ka tawo ang mitungha sa mga kadalanan aron sa pagsugat kaniya.
Sa iyang wali, nagpasalamat ang Santo Papa sa pagmahal, suporta ug mga pag-ampo sa katawhan, ilabina alang sa iyang kahimsog atol sa iyang gitawag nga panahon sa pagsulay, usa ka bulan human siya miagi sa operasyon tungod sa localized lung cancer niadtong Oktubre 13, 2026.
Ang Chiclayo mao ang siyudad diin nag-alagad siya isip obispo gikan sa 2015 hangtud 2023, ug nahimong sentrong kalihokan sa iyang 12-ka-adlaw nga panaw sa South America nga naglakip sa Uruguay, Argentina ug Peru, diin gibanabanang 12 milyones ka tawo ang mitambong sa nagkadaiyang pampublikong kalihokan.
Gilauman nga magpabilin ang Santo Papa sa rehiyon sa Chiclayo hangtud Domingo aron mangulo sa walo pa ka kalihokan, samtang midagsa usab ang mga deboto gikan sa nagkadaiyang lugar, lakip ang silingang Ecuador, aron makita pag-usab ang kanhing obispo nga nailhan sa mga residente isip Padre Roberto o Amigo. (raniel mahunyag)
