Gisupak ni Pope Leo XIV ang silot nga kamatayon ug nanawagan sa Estados Unidos nga wagtangon kini, samtang ang administrasyon ni Presidente Donald Trump nagplano sa pag-palapad sa mga pamaagi sa pag-patay sa mga preso sa pederal nga lebel.
Sa iyang mensahe sa DePaul University sa Chicago, iyang giingon nga ang tanang kinabuhi balaan gikan sa pagkatawo hangtod sa natural nga kamatayon ug ang katungod sa kinabuhi mao ang sukaranan sa tanang katungod.
Dugang pa sa Santo Papa nga ang mga epektibong sistema sa prisohan maka-protektar sa katawhan samtang naghatag sa higayon sa mga nakasala nga makabaton sa kaluwasan.
Gihimo sa santao papa ang pahayag human nga ang U.S. Justice Department nagmugna sa plano sa pagdugang sa mga pamaagi sa silot kamatayon sama sa firing squad, electrocution ug gas asphyxiation tungod sa kalisod sa pagkuha sa tambal alang sa lethal injection.
