Subli nanawagan sa kalinaw si Santo Papa Leon.
Nunot kini sa iyang gibating pagsubo sa mga tawong mipanaw tungod sa pagkaipit sa gubat sa Iran batok sa joint forces sa US ug Israel.
Namahayag ang Opisina sa The Holy See nga nakadawat na sa impormasyon si Pope Leo XIV sa tinguha ni United States President Donald Trump nga maminusan ang sobra ka bayolente nga resulta sa pakigbangi sa gobyerno sa Iran.
Kagahapon, petsa 31 sa Marso, iyang gipalanog ang mensahe atubangan sa prensa sa papal villa sa Castel Gandolfo, kalabot sa pag-obserbar sa labing balaan nga semana sa tibook tuig alang sa tanan sumusunod ni Hesu Kristo.
Gipasabot sa Santo Papa nga ang Semana Santa mao ang panahon sa kalinaw, ug lawom nga pagpanamin.
Giila ug gikasakit niini ang grabeng pag-antos sa ubang katawhan nga apektado sa gubat, mga grabeng pag-antos nga nagresulta sa daghang ihap sa kamatayon ilabe na ang mga inosenteng bata.
Sa iyang mensahe, iyang gidasig ang mga Kristiano nga puy-an ang kinabuhi ug kasakit ni Kristo aron panaminan ang mga biktima sa bayolente nga kagubot, kayugot ug gubat.
