Nagsugod na kagahapong adlawa, ang 12 ka adlaw nga apostolikong pagbisita ni Pope Leo XIV sa Uruguay, Argentina ug Peru, nga molungtad hangtud Nobyembre 17.
Kini ang iyang ikaunom nga internasyonal nga pagbiyahe sukad sa pagsugod sa iyang pagkapangulo sa Simbahang Katoliko ug usa ka higayon sa pagbalik sa rehiyon diin siya migahin og daghang katuigan sa iyang misyonaryo ug pastoral nga pag-alagad.
Atol sa maong paglibot, gikatakdang bisitahon sa Santo Papa ang 10 ka dakbayan, mosakay sa gibana-banang 12 ka biyahe sa eroplano ug maghatag og hapit 40 ka diskurso sa Kinatsila.
Gikumpirma sa Vatican nga maayo ang pag-uswag sa iyang pagpaayo human sa malampusong operasyon sa baga niadtong Oktubre 13, diin gitangtang ang bahin niini nga adunay kanser nga nailhang lung adenocarcinoma, ug walay medikal nga babag sa pagpadayon sa iyang mga biyahe.
Gilauman nga ang pagbisita maghatag kaniya og higayon sa pagpakigkita sa mga lider sa nasud, pagpalig-on sa panaghiusa sa mga lokal nga simbahan ug pagdasig sa mga Katoliko pinaagi sa mensahe sa pagtuo, paglaom ug kalinaw. (raniel mahunyag)
