Gipanawagan ni Pope Leo XIV ang pagtapos sa kapintasan sa Yemen, duha ka semana human sa iyang pagpailawom sa operasyon sa baga.
Matud sa Santo Papa, lakip sa iyang nag-unang gikabalak-an ang makataong krisis sa dakbayan sa Taiz sa habagatang-kasadpang bahin sa Yemen, diin naglisud ang katawhan tungod sa kakulang sa pagkaon, limpyo nga tubig, ug serbisyong medikal.
Miapela usab ang Santo Papa nga tapuson na ang mga panagbangi aron makapuyo og malinawon ang mga katawhan sa Yemen ug sa uban pang bahin sa maong rehiyon.
Dugtong niini, gi-ampo usab sa Santo Papa ang mga namatay ug nasamdan sa matud pa pagpangatake sa mga terorista sa Hamound Church didto sa nasud sa Jordan niadtong Biyernes.(raniel mahunyag)
