Nanawagan si Pope Leo XIV ngatdo kang Presidente Javier Milei ug sa mga opisyal sa gobyerno sa Argentina nga panalipdan ang dignidad sa matag tawo, palig-onon ang panaghiusa sa katilingban, ug siguruhon nga ang pag-uswag sa ekonomiya kay makahatag usab og kaayohan sa mga kabus.
Gihimo sa Santo Papa ang maong panawagan atol sa iyang pakigpulong sa mga opisyal sa gobyerno, representante sa katilingban ug mga diplomatiko sa Palacio Libertad sa Buenos Aires niadtong Domingo, isip kabahin sa iyang opisyal nga pagbisita sa nasud.
Gipasiugda usab niya ang panginahanglan sa paghatag og dugang oportunidad sa mga batan-on aron dili sila mapugos sa pagbiya sa ilang yutang natawhan, ingon man ang pagpakigbatok sa organisadong krimen, korapsiyon ug uban pang hulga sa kaayohan sa katilingban.
Dugtong niini, giawhag usab sa Santo Papa ang mga lider sa nasud nga palig-onon ang demokrasya, respetuhon ang nagkalainlaing panglantaw, ug gamiton ang dayalogo aron mapreserbar ang panaghiusa sa nasud. (raniel mahunyag)
