Wala na makurat si Retired Air Force General Romeo Poquiz, convenor sa Union Peoples Initiative (UPI), sa pagsupak sa Armed Forces of the Philippines (AFP) batok sa pagpagula sa hiniusang affidavit sa 18 ka kanhi Philippine Marines.
Ang mga testimonya nag‑angkon sa alegasyon nga adunay pagpangurakot sa salapi gikan sa DPWH flood control projects ug uban pang government funds nga gi‑apod‑apod nila Presidente Ferdinand Marcos Jr. ug uban pang tag‑as nga opisyal sa gobyerno.
Namahayag si Poquiz nga normal lang nga sumbalikan sa AFP ang mga retired Marines pinaagi sa pagdaut sa ilang ngalan.
Apan, ang dili normal mao ang pagpakabuta‑bungol sa pipila ka miyembro sa otoridad bisan klaro na ang ebidensya sa binuhatan sa ilang amo.
Una niini, gisaway usab sa kanhi heneral ang pahayag sa Malacañang nga “fake news” lang ang gipalugwa nga testamento sa 18 ka marino ug ni Atty. Levito Baligod.
Alang sa UPI, ang pag‑dismiss sa mga affidavit sa gi-ingong walay kamatuoran, usa ka pamaagi aron tabunan ang mas lawom nga problema sa sistema sa gobyerno.-
