Gipangusgan sa Professional Regulatory Board of Criminology ang bug-os nga pagpatuman sa Magna Carta of Women aron masiguro ang pagkakaparehas ug pagbatok sa diskriminasyon sa pagrekrut sa mga kababaihan sa mga ahensya sa gobyerno.
Gipahayag ni Professional Regulatory Board of Criminology Member Dr. Lani Palmones nga kinahanglang hatagan og patas nga proseso ug oportunidad ang tanang aplikante gikan sa unang lakang hangtod sa pinal nga interview nang walay gipihig.
Gitin-aw sa opisyal nga panahon na aron pataas-an ang kasamtangang lima hangtod napulo ka porsyento nga quota sa mga kababaihan sa mga public safety agencies tungod sa kadako sa gidaghanon sa mga babayeng nakapasar sa licensure examination.
Dugang pa ni Palmones, ang sakto nga pagpatuman sa Republic Act 9710 mag-abli og mas dakong luna alang sa mga kwalipikadong kababaihan nga makaserbisyo sa nasud.
