Gibasol ni Agriculture Secretary Francisco ‘Kiko’ Laurel Jr ang pipila ka consignees kon nganong pabiling mahal ang presyo sa kada-kilo sa bugas.
Kini bisan sa saad ni Pres Bongbong Marcos nga pinaagi sa iyang pagtudlo kang Laurel hinay-hinay maubsan ang presyo sa kinilong bugas sa nasud.
Namahayag si Laurel nga ang port congestion sa sobra 800 ka container vans nga dunay kargang mga bugas ang kabahin sa rason sa pabiling pagtaas presyo niini sa mga merkado.
Siya miingon nga posibleng gituyo kini sa consignees nga dugay kuhaon sa mga pantalan hangtod nga magmahal pa ang presyo sa bugas.
Hisayrang namahayag kaniadto si Marcos nga ipabalik niya sa tag-20 pesos ang kilo sa bugas apan pabiling inotil sa paghatag katumanan niini.
