Posible nga magkagubot ug mokusog ang tensyon inig resume sa imbestigasyon sa Senate Blue Ribbon Committee karong umaabot nga Hunyo, sumala pa sa gibutyag ni Ray Talimio Jr., Co-Chairperson sa Economic Development Committee RDC-X.
Butyag niya, dako ang posibilidad nga ipa-invoke ni Presidente Marcos ang executive prerogative ngadto sa mga ahensya sa gobyerno sama sa NBI, PNP, ug DOJ aron dili kini motambong sa maong pagdungog.
Tungod niini, posibleng mapugos ang komite sa pag-isyu og subpoena ug moabot pa sa pag-cite sa mga opisyal og contempt tungod sa pagbalewala sa ilang proseso.
Gitataw usab ni Talimio nga kinahanglan nga ang komposisyon sa maong komite kinahanglang mas daghan ang mga sakop gikan sa majority aron maseguro nga mapirmahan gihapon ang final report bisan pa og dili mopirma ang mga minority senators.
Sa katapusan, iyang gipasabot nga kining maong estratehiya sa administrasyon maoy timailhan nga mas mokusog pa gyud ang panagbangi tali sa mga hingtungdan sa mga mosunod nga adlaw.
