Sigon ni Cagayan de Oro ABC President Kapitan Marlo Tabac, dako ang tsansa nga pirmahan sa Pangulo ang balaod nga magpauswag sa Barangay ug SK Elections ug magpalugway sa termino sa mga opisyal ngadto sa 5 ka tuig tungod sa suporta sa Kongreso ug Senado.
Gipasabot sa opisyal nga kon dili man gani kini pirmahan o i-veto sa Presidente, awtomatiko gihapon kini nga mahimong balaod human sa 30 ka adlaw gikan sa pagdawat niini sa iyang opisina.
Gidugang usab ni Tabac nga naghatag na og kasiguruhan si Finance Secretary Ralph Recto nga pirmahan gyud sa Pangulo ang maong balaod alang sa mga lokal nga opisyal.
Gipahinumdoman usab sa kapitan ang tanan nga kon mahimo kining balaod samtang nagpadayon ang pagpangandam sa Comelec, posibleng iuli ang mga napasa nga certificate of candidacy ug bag-uhon ang iskedyul sa maong piniliay.
