Daw sa gipasagdan na lang sa gobyerno nga magutman ang pamilya sa mga drayber human giputol ang ayuda sa gasolina taliwala sa ika-11 ka sunod-sunod nga semana nga pagmahal sa lana.
Mao kini ang gipahiyag sa lider sa BONODA nga si Emmanuel Espinosa diin posibleng wala na gyud 1 ka drayber ang gustong mobiyahe sa mga sunod nga adlaw.
Gipasabot sa maong lider nga gawas sa pwerteng mahala nga presyo sa petrolyo, giabaga pa nila ang bug-at nga bayronon sa mga papelis sa ilang linya.
Tungod niini, gitin-aw ni Espinosa nga wala na silay gipang-uli nga kwarta sa ilang pamilya samtang naglangay-langay pa ang mga opisyal sa pag-aprobar sa petisyon sa pletehan.
