Gipadayag ni DDS Sara All Confederation Legal Counsel Atty. Raymond Batu nga adunay posibilidad nga mukunhod pa ang numero sa mga senador nga makaboto sa impeachment trial batok kang Bise Presidente Sara Duterte.
Gitin-aw sa abogado nga makita ang pamaagi sa pagpa-ubos sa threshold pinaagi sa mga gihimong aksyon batok sa pipila ka opisyal sama nila Senador Alan Peter Cayetano ug Loren Legarda aron mas dali nga makuha ang gikinahanglang boto.
Apan gipunto ni Batu nga hangtod karon usa pa ka bahin sa estorya ang nadungog sa pampublikong pagpaminaw samtang wala pa nakapresenta ang panig sa depensa.
Dugang pa sa opisyal, nagpabilin nga tabla ang dagan sa kaso tungod kay aduna usab mga lig-ong saksi ug sariling financial analyst ang idepensa aron tubagon ang tanang akusasyon.
