Posibleng masinati sa mga konsumidor sa CEPALCO ang gamay nga pagsaka sa tingil sa kuryente karong Setyembre nga billing.
Subay sa gipahayag ni CEPALCO Assistant Vice President Marilyn Chavez, tungod kini sa paggamit nila og mas mahal nga suplay gikan sa Minergy diesel plant aron lang malikayan ang rotating brownout taliwala sa Red Alert sa tibuok nasod.
Dugang pa sa opisyal, ang pagmahal sa presyo sa lana ug gasolina ang usa sa mga hinungdan nga makadugang sa maong bayronon.
Tungod niini, gihangyo sa buhatan ang publiko nga magdaginot sa paggamit og kuryente aron dili kaayo mabug-at ang bayranan ug magpadayon ang walay pagkaputol nga serbisyo.
