Gihaw-as mismo ni Presidential Communications Office Press Officer Atty. Claire Castro ang iyang ngalan sa migawas nga mga taho nga giingong itudlo siya ni Pangulong Ferdinand Marcos Jr.
isip sunod nga Associate Justice sa Korte Suprema. Giklaro sa opisyal nga walay bisan gamay nga kamatuoran ang maong hungihong tungod kay wala man siya nagsumite og bisan unsang aplikasyon alang sa maong taas nga posisyon sa hudikatura.
Kabahin sa kung kinsa ang itudlo nga bag-ong Chief Justice sa Korte Suprema, nanawagan si Castro nga dili pangunahan ang pinal nga desisyon sa Punong Ehekutibo.
Gidugang sa opisyal nga pulos kwalipikado ug maayo ang mga kandidato, apan aduna gayud usa nga labaw nga talagsaon ang kaalam nga pilion sa Presidente alang sa maong buhatan.
