CAGAYAN DE ORO CITY – Wala na’y makapugong sa paglansad pagka-gobernador ni Pangantucan Mayor Miguel Silva Jr sa Bukidnon sa 2025 elections.
Kini bisan kon dunay isyu nga gipakang batok kaniya nga daw nanglugos siya’g menor de edad apan tataw nga may sagol na sa isyu sa politika ang pasangil.
Namugos ang mayor nga dakong bakak ang pasangil rason nga mihimo na kini sa iyang mga legal nga opsyon aron kontrahon ang alegasyon batok kaniya.
Una niini,gikompirmar sa Bukidnon Police Provincial Office ang maong pasangil apan naglikay na sila nga mohatag komento kay trabaho na sa piskalya ang pag-determinar sa gimbug-aton sa kaso batok sa mayor.
Hisayrang maoy kasamtangang gobernador sa Bukidnon si Rogelio Neil Roque nga miputol sa pila ka tuig nga pag-dominar sa mga kaliwat Zubiri.
