CAGAYAN DE ORO CITY-Gipangita na karon sa kapolisan ang kawatan nga nakatigbas-patay sa trabahante ug nakaangol sa laing kauban niini diha sa lungsod sa Sugbongcogon,Misamis Oriental.
Naila lamang ang pangalan sa namatay’ng biktima nga si alyas Dodong samtang naka-confine sa Northern Mindanao Medical Center ang kauban niini nga si Ruben Salinas nga taga-lungsod sa Claveria ning lalawigan.
Subay sa report,gibadlong sa mga biktima ang wala mailang kawatan nga nangawat sa mga manok dihang gipangtigbas na hinoon sila gamit ang hait nga sundang.
Nakaangkon sa grabeng samad ang lawas ni alyas Dodong hinungdan sa kamatayon niini.
