CAGAYAN DE ORO CITY-Pagka-short sa kuryente ang kabahin sa gisusi sa mga imbestigador sa pagkasunog sa bunkhouse nga gi-okupar sa mga trabahante sa Equiparco Construction sa Brgy Igpit,Opol,Misamis Oriental.
Gibutyag ni FO2 Harold Cabasan,imbestigador sa Opol BFP sub-station nga kalit nawad-an sa suplay sa koryente ang bunkhouse apan pagbalik usab niini nakamugna na’g pag-ulbo sa kalayo.
Hinoon,walay natala nga tawong namatay o naangol sa hitabo samtang padayon ang imbestigasyon sa balor 180-mil nga damyos nga sunog kagahapon sa buntag.
