CAGAYAN DE ORO CITY-Gitumbok nga ang electric shortage sa guba nga telebisyon ang rason kon nganong nasunog ang 97 ka balay sa compound sa Philippine Benovelent Christian Missionaries o BPCM sa Brgy San Antonio,Jasaan,Misamis Oriental.
Gibutyag ni San Antonio Brgy Kap Charlito Eugenio nga nagsugod ang pag-ulbo sa kalayo sa mga balay diin nahimutang ang pamilya ni Nilo Daapong.
Hinoon,gitugyag nila sa mga otoridad ang pagsuta sa tinud-anay nga hinungdan sa sunog.
Patay sa maong sunog ang special child nga si Nilgine Mark Daapong nga nalukong sa ilang pinuy-anan.
Gipahimutang sa brgy covered court ug tunghaan ang 105 ka pamilya nga nawad-an sa mga pinuy-anan atol sa sunog sa miaging gabii.
