CAGAYAN DE ORO CITY-Nabawi sa militar klase-klase nga mga armas ug granada sa tropa sa 65th Infantry Battalion,Philippine Army human makita ang gi-abandonar nga hideout sa mga rebeldeng New Peoples Army sa Brgy Lirongan, Talakag, Bukidnon.
Sumala ni 65IB Civil-Military Officer 1Lt Krescelle Renoblas nga pinaagi sa gipahigayon nga combat clearing operation,nakompiskar sa ilang tropa ang duha ka M16 rifles, usa ka M653 Rifle ug improvised M79 grenade launcher.
Nabawi usab ang usa ka caliber 45, mga bala sa M203 grenade ug rifle grenade, commercial radios,blasting caps, batteries for improvised explosive device ingon man mga dokumento.
Nanghinaut si Renoblas nga mibalik na sa gobierno ang mga rebelde nga tag-iya sa mga armas nga nakompiskar sa mga sundalo sa maong lugar kagahapon sa buntag.
