CAGAYAN DE ORO CITY-Gitahan sa local govt unit ngadto sa militar ang 19 ka tag-as nga kalibre sa armas sa lungsod sa Munai,Lanao del Norte kagahapong adlawa.
Kini isip tubag sa aghat sa militar nga itahan ang mga armas nga walay lesinsiya aron kalikayan ang mga hitabo nga dugu-on sa maong lugar.
Miingon si AFP Western Mindanao Command spokesperson Maj Arvin Encinas nga mismo usab si 4th Mechanized IB,Philippine Army commander Lt Col Bernardo Taqueban ang midawat sa maong mga armas gikan sa Munai elected officials.
Dugtong usab niini,nalipay pag-ayo si 1st ID,Philippine Army commander Maj Gen Roberto Ancan sa inisyatiba nga gihimo sa govt elected officials nga mahipos ang maong mga armas.
Kabahin sa mga armas nga gi-surrender ang 50 barret,M14 sniper rifle, 11 M16 rifles,upat ka garand rifles ug duha ka carbine.
