TAIWAN – Kompyansa ang RP dribblers basketball team nga gi-representahan sa Strong Group Athletics nga ma-angkon ang kampyonato sa nagpadayong 43rd Williams Jones Cup didto sa Taiwan.
Nagpabiling wala pay pildi ang Strong Group sa torneyo human nila angkona ang ilang ika-lima ka sunod-sunod nga kadaugan pinaagi sa paglampaso sa team sa USA sa score nga 112-90.
Dikit ang dula sa una ug ika-duhang quarter gumikan sa maayong performance usab nga gipa-kita sa team USA.
Apan pagsugod sa 3rd quarter, nagpakita na sa maayong depensa ug opensa ang Strong Group hangtud wala naka-recover ang ilang kaatbang.
Lakip sa mga team nga gipilde sa Strong Group mao ang United Arab Emirate sa score nga 104-79, Australia, 91-69, Ukraine, 82-74, ug Malaysia, 89-54.
Ang Strong gilangkuban nila ni Ange Kousme, Kiefer Ravena, Rhenz Abando, Jordan Heading, RJ Abarrientos, Dave Ildefonso, Geo Chiu, Caelan Tingson, Allen Liwag, Tony Ynot,Jonathan Manalili, DJ Fenner ug ang duha ka imports nga sila si Chris.(Bombo Celso Maldecir).
