CAGAYAN DE ORO CITY- Problema sa matresse o gamit pangkatulog ang usa sa giproblema karon sa organizers sa 60th edition sa Palarong Pambansa didto sa Antique.
Kini ang gi-angkon ni Atty Arthur Lastimosa legal counsel sa Antique provincial govt ug chairman sa local organizing committee sa Palarong Pambansa atol sa pakighinabi sa Bombo Radyo.
Siya miingon nga halos anaa sa 95% ang nangabot nga mga atleta gikan sa 18 ka rehiyon ug gibana-bana nga anaa sa 14-mil ka atleta ang ilang hatagan sa maong mga matres.
Gawas niini, gipanigurado usab ni Lastimosa nga mahatagan sa igong seguridad ang mga tinung-ang atleta.
Samtang kondisyon na ang panglawas sa mga atleta sa DepEd-10 alang sa nagkaduol nga 2017 Palarong pambansa sa Antique.
Gibutyag ni Dr. Rosalio Vitorilio, overseer sa mga players sa rehiyon nga kondisyon na ang lawas sa mga bata batok heakstroke.
Iyang gibutyag nga walay dula nga mahitabo sa open field sugod alas 11 sa buntag hangtd alas 2 sa hapon.
Dugtong niini, gihupay ni Vitorilio ang kabalaka sa mga ginikanan sa mga atleta batok food poisoning panahon sa ting-init.
Matud ni Vitorilio nga hugot nga gimando ni Dep-Ed regional director Dr. Allan Farnazo nga magdala sila sa ilang kaugalingong nutritionist dietician, mga doctor, nurses ug attending physical therapist aron paspas nga matubag ang mga atleta nga maigo sa sakit o pagka-injured samtang gadula.
