Mi-apelar ang Parish Pastoral Council for Responsible Voting (PPCRV) sa Cagayan de Oro Archdiocese sa tanan botante sa syudad nga mahimong responsabli sa piliong kandidato-lokal ug nasudnon alang sa 2025 Midterm Election.
Sa exclusive interview sa Bombo radyo namahayag si Roberto Villaluz, lay coordinator sa CdeO PPCRV nga dili magpadala sa vote buying tungod kay interes sa katawhan ang mabutang sa peligro ug ang tibook nasud, kung makadaug ang mga kandidato nga namalit sa boto sa katawhan.
Si Villaluz mi-ingon nga dakung suliran sa nasud ang epidemya sa vote buying ug dapat paningkamotan nga maputol ang maong pamatasan.
Hugot nga gimonitor sa napakatag nga PPCRV Volunteers ang piliay ning adlawa, kundiin, lakip sa ilang report ang pagpanon sa mga flying voters, mga kakulian sa makina balota, mga tawong wala sa listahan ug uban pang election related issue.
