Mi-prangka si Senate President Francis Chiz Escudero nga dili niya gustong mupalugwa sa “pre-impeachment analysis”, ilabe nga wala pa magsugod ang pagdungog sa impeachment case ni Vice President Sara Duterte.
Unang milugwa ang impormasyon nga taas ang posibilidad nga mabasura ang kaso sa bise presidente kay daghan ang ihap sa mga ka-alyadong senador ang mudepensa alang alang kaniya, itande sa ihap sa mga congressmen prosecutors sa pagbukas sa hearing sa Hunyo.
Subli, gipamugos ni Escudero nga ang Senado usa ka independente nga institusyon ug ang matag senador adunay kaugalingong desisyon sa matag isyu.
Gitataw usab sa presidente sa senado nga ang panagbangi tali sa kampo ni Marcos ug Duterte, dili maka-apektar sa desisyon sa mga senador nga mulingkod ihip mga huwes sa ilusad nga impeachment trial.
Kagahapon, gipahinumduman ni Escudero ang tanan senador, ilabe na ang mga bag-ong napili gikan sa Mayo nga piliay nga likayan ang paghatag sa posisyon bahin sa impeachment trial hangtod nga magsugod ang proseso ug makita ang ebidensya.
Ang impeachment court sa Senado gilauman nga mag-convene sa Hunyo 2, diin ang bag-ong napili nga mga senador makalingkod isip mga hurado sa impeachment trial.
