Gitutukan sa Incident Management Team (IMT) sa CdeO-LGU ang mga posibilidad nga makahatag kahasol sa kapulisan sa pag bantay seguridad sa Traslaccion, ning tuiga. Mi-ingin si City Information Officer (CIO) Chief Jade Adecer nga gawas sa security plan sa Cagayan de Oro City Police Office (COCPO), mudugang sa laing “layer of protection” ang IMT aron dili mapasagdan ang kapulisan sa ilang tahas. Gibutyag ni Adecer nga kapin libo ka unipormado ug dili unipormadong pulis ang gideploy sa managlahi ug stratehikong lugar alang sa crowd control, kuyog ang mga personahe sa BFP, AFP, CDRRMC, ug barangay force multipliers. Gipasalig sa syudad ang hapsay, ug malinawon nga traslaccion sa Itom nga Nazareno, nga nasugdan na kaganinang alas-singko sa kadlawon.
Dugtong niini, gitin-aw ni Adecer nga dunay giplastar nga mga lokasyon ang CDO-LGU alang sa puwesto sa prensa aron dili madisturbo ilang coverage. Gideklarar usab ni City Mayor Rolando Klarex Uy nga walay klase ning adlawa ang tanan pampublikong tunghaan ug mga trabahante sa gobyerno, alayon sa pista ug selebrasyon sa Kuyamis Festival nga natunong sa Enero 9.
