CAGAYAN DE ORO CITY-Masaligon si Atty Jude Sabio, abogado ni Edgar Matobato nga hapit na isyuhan sa warrant of arrest sa International Criminal Court si Pres Rodrigo Duterte.
Base kini sa iyang gihimong pagmonitor sa kasong crime againts humanity nga iyang gipasaka sa ICC batok Duterte.
Siya miingon nga lig-on ug bug-at nga ebidensiya ang iyang gihatag sa ICC hinungdan nga warrant ug dili summon ang padawaton sa prisidente.
Giangkon usab ni Atty Sabio nga apektado na ang iyang trabaho ug mga kliyente tungod sa iyang pakigbisog nga mabilanggo si Pres Duterte.
Si Sabio miingon nga hangtud magpabilin ang martial law sa Mindanao, dili siya makapauli tungod sa hugot nga checkpoint.
Gitambagan usab siya sa mga security ni Sen Antonio Trillanes nga dili magkumpyansa ilabina nga killer si Pres Duterte ug adunay mga pulis sa syudad nga konektado sa mga pulis sa Davao City.
