CAGAYAN DE ORO CITY-Gibulgar ni Pres Rodrigo Duterte nga dugay na niyang gikalimtan ang pagsimba.
Sa gihimong inagurasyon sa drug rehabilitation facility sa Bukidnon, gibutyag niini nga nagtoo siya sa Diyos apan personal choice niya nga mohunong sa pagsimba tungod sa iyang prinsipyo ug responsibilidad isip lider sa nasud.
Sya miingon nga dili mahimo nga wala siya’y himoon kung pamatyon sa mga kaaway ang iyang mga sundalo ug pulis.
Andam matud pa siya nga mopatay kung gikinahanglan alang sa kalampusan sa iyang kampaniya kontra illegal nga droga ug kurapsyon.
Samtang gimanduan ni Pres Duterte ang delegasyon sa top government officials nga mobiyahe sa Libya aron luwason ang tulo ka mga Pinoy workers nga gidagit sa mga bandido.
Matud ni Presidential spokesman Harry Roque, nga gilihok na ni Labor Sec. Silvestre Bello III ang mando sa Presidente aron e-rescue ang mga Pinoy workers.
Hisayran nga kabahin sa delegasyon si Department of Foreign Affairs Sec. Alan Peter Cayetano.
