CAGAYAN DE ORO CITY – (update) Gi-andam na sa 8th Infantry Battalion, Philippine Army ang sitenta ka balay nga itunol sa 70 ka kanhi rebelde nga na-enroll sa Enhanced Comprehensive Local Integration Program o E-CLIP sa gobyerno.
Namahayag si 1Lt Kenneth Cabbigat, Civil Military Operation o CMO officer sa 8IB, Philippine Army nga gawas sa “pabahay” gitakda usab nga makadawat sa “pangkabuhayan package” ang rebel returnees.
Si Presidente Rodrigo Duterte ang mutunol sa housing units nga gipondohan sa National Housing Authority o NHA.
Kuyog ang 70 ka balay sa kinatibuk-ang 500 housing units nga gitukos sa Casesang, Malaybalay City Bukidnon.
